BÚSCANSE TROTAMUNDOS

Este Curso 18/19 o equipo da biblioteca decidiu retomar unha aventura que comezou anos atrás e que, por diversas circuntancias, se deixou de realizar nos últimos anos.

Pero... De que estamos a falar? Pois alá polo ano 2011 no noso centro un grupo de docentes  inquedos e con ganas de compartir experiencias co seu alumnado, decidiu crear un club de lectura como unha forma lúdica de compartir emocións, experiencias e como unha oportunidade de abrir as nosas mentes a outras culturas e realidades. Esta nova andaina tiña por título OS TROTAMUNDOS, na honra a esas marabillosas viaxes levadas a cabo en cada unha das reunións.

Neste curso, en coordinación co Proxecto lector de centro e  a Biblioteca escolar, retomamos o club de lectura e  pensamos en compartir obras que teñan algunha relación coa temática do centro: "UN MUNDO DIVERSO, UN MUNDO MELLOR"; pero, sobre todo, buscamos libros que enganchen aos nosos trotamundos e lles permitan deixar voar o seu maxín e sentir.

Só faltaba buscar aos principais protagonistas, aos verdadeiros totamundos; así que nos puxemos máns á obra e invitámolos a unha reunión na biblioteca o xoves 25 de outubro. Empapelamos o centro de carteis demandando a súa participación. E sen súbida, foi  todo un éxito.

GRAZAS POLA VOSA ACOLLIDA!!!