Hai noticias e noticias...

Como dicimos no título desta entrada, hai moitos tipos de noticias, e a seguinte que compartimos, recórdamos, en parte a Amaidú que, ainda que é un persoaxe de ficción, imaxinámolo sentindo unha ledicia próxima ao protagonista do seguinte vídeo. 

Non olvidemos que a realidade supera, moitas veces, a ficción...

Sètima reunión dos trotamundos

A estas alturas de curso, podemos afirmar que somos uns larpeiros e, nada mellor, que falar de Palabras de caramelo ao redor dunhas fontes cheas de froita bañada en chocolate. Este curso soubemos compaxinar a gastronomía co gusto pola lectura.

Sobre Gonzalo Moure e Palabras de caramelo

Despois da lectura é o momento de comentar algunhas curiosidades sobre a obra e o autor.

Para comezar, nada mellor que algunha noción histórica sobre o conflicto do Sáhara occidental:

Co seguinte documental achegámonos á vida dos refuxiados saharauis:

ACNUR ( agencia de la ONU para los refugiados)  tamén describe Como é o día a día nos campos de refuxiados saharauis?

A través deste vídeo sorprendémonos vendo como a imaxinación permite explotar os escasos medios agrarios que se atopan no deserto do Sáhara. 

Por último, compartimos unha interesante entrevista realizada ao autor polos alumnos de 1º da ESO do IES de Elviña ( A Coruña):

Outras cuestións para reflexionar: 

• Kori é un neno xordomudo que sabe ler as palabras nos movementos da boca. Seríades vos capaces de adiviñar as palabras dos vosos compañeiros sen usar a voz? E se poñemos a proba a vosa agudeza visual?

• Coñeces os programas de acollida de nenos saharauis no verán? 

• Nesta historia o camelo convértese na mascota do protagonista. E vos, tedes mascotas? Qué faríades por elas?

• Que coñeces da cultura árabe?

Dándolle forma ao noso mural

Pouco a pouco o noso mural vai collendo forma.

Palabras de caramelo

Chegou a próxima lectura ás nosas mans e, a verdade, é que ten moi boa pinta...

Kori é un neno de oito anos que só recoñece as palabras nos movementos da boca. Por iso é capaz de saber o que lle di o seu mellor amigo, un pequeno camelo ao que trata de salvar camiño dese deserto co que sempre soñou. Quizais a súa aventura nunca remate, sobre todo pola mensaxe tan especial de Caramelo.

Descubrimos , ademáis, a seguinte cortometraxe, baseada na obra homónina,  e nominada ao Goya á Mellor Curtometraxe Documental no ano 2017.  Película que se describe como unha experiencia sensorial que invita ao espectador a sentir, ver e escoitar a través do mundo dos xordos e a desfrutar da beleza e o silencio no deserto.

Aquí atoparedes o  enlace ao blog do autor (Gonzalo Moure Trenor), onde comenta como xurdiu esta historia.

Algunhas curiosidades sobre María mais eu

Como sabedes, un dos libros lidos no club de lectura é a historia de Miguel Gallardo  que, acostumado a comunicarse visualmente coa sua filla María, quere compartilo con nós como se fósemos ela, a través dos seus debuxos. É unha obra chea de imaxes que transmiten sensacións  e emocións de María, do se pai e do seu entorno. 

Aquí vos deixamos dous cortos animados, moi interesantes sobre esta historia e o autismo:

Por certo, tamén tedes a páxina de Facebook "María y yo" onde o autor vai colgando fotos de María e outras aventuras que viven día a día.

Quinta xuntanza dos trotamundos

Seguimos a compartir impresións sobre os libros escollidos, nesta ocasión as comparacións co libro lido no primeiro trimestre eran inevitables...

Co entroido petando á porta, aproveitamos para degustar un dos postres máis característico destas datas: unhas  saborosas rosquillas.